As malas condicións meteorolóxicas manteñen cortado o tramo de vía férrea convencional entre Santiago e Vilagarcía de Arousa, e os trens rexionais están a ser desviados pola liña de altas prestacións, segundo informou Renfe.
Para os viaxeiros con paradas intermedias nese traxecto estableceuse un plan alternativo de transporte por estrada. Así mesmo, mantéñense por estrada os servizos entre Vigo-Guixar e Ourense (liña do Miño).
Renfe confirmou tamén que, aínda que poden producirse “algunhas demoras”, están a circular con normalidade os servizos mínimos nesta xornada, na que comeza a folga de trens de tres días en toda España.
