InicioSOCIEDADEProfesores e investigadores internacionais denuncian a influencia racista na xenética humana

Profesores e investigadores internacionais denuncian a influencia racista na xenética humana

Un artigo na revista 'Science' destaca a necesidade de reconsiderar os factores sociopolíticos na investigación xenética

Publicado o

Xornal de Compostela

Profesores e investigadores de varios países, entre elas a bióloga Marilar Aleixandre da USC, publicaron un artigo na revista Science, onde reclaman un enfoque máis consciente dos factores sociopolíticos na investigación xenética, deixando atrás as prácticas racistas antigas. Este artigo, titulado ‘O sociopolítico no ensino da xenética humana’, é unha colaboración de académicos de Estados Unidos, Alemaña, Israel, Suíza, Suecia e Reino Unido, que critican como a investigación xenética é influenciada pola dinámica de poder na sociedade.

Os autores alertan sobre o perigo de perpetuar diferenzas supostas entre grupos mediante prácticas xenéticas que reflecten a dinámica de poder e privilexio existente. Argumentan que moitos estudos xenéticos modernos aínda se basean en lóxicas racistas obsoletas, ignorando as contribucións das ciencias sociais que definen a raza como unha construción social e política.

O informe das Academias Estatais de Ciencias, Enxeñaría e Medicamento (Nasem) tamén é citado, pedindo aos científicos que xustifiquen o uso de “raza, etnia e ascendencia xenética” como descritores en investigación, e que consideren a carga sociopolítica dos seus estudos. Este chamamento busca promover un cambio que integre a perspectiva sociopolítica na descripción de poboacións e medicións ambientais na xenética.

Os investigadores, incluíndo Aleixandre, apelan a unha educación xenética que sexa explícitamente antirracista e cuestionan a neutralidade científica no tratamento da raza. Un exemplo citado é a maior carga alostática entre afroamericanos nos EEUU, un fenómeno que reflecte as consecuencias da discriminación racial e a opresión sobre a saúde física.

O artigo conclúe destacando a importancia de considerar os contextos históricos e sociopolíticos na investigación xenética, alentando a reflexión sobre os obxectivos de tales estudos e os seus impactos potenciais.

Por outra banda, foi presentado o ‘Galimap’, un proxecto educativo que agrupa recursos didácticos variados, desde libros a xogos, creados en Galicia. Este evento tomou lugar na Facultade de Ciencias da Educación da USC, liderado por un equipo de docentes e realizado por estudantes do segundo curso do Grao en Educación Social, que tamén se encargan da súa difusión.

ÚLTIMAS

Límites á apertura de novos comercios de souvenirs e máquinas expendedoras “en practicamente toda a zona histórica”

O Concello de Santiago limitará a implantación de novos establecementos de souvenirs "en practicamente toda a zona histórica",...

O goberno de Santiago defende os avances do mandato e promete que a cidade “non será igual en 2027”

O equipo de goberno de Santiago de Compostela fixo balance este luns dos dous...

Blas García defende a estabilidade e os avances do goberno de Ames no ecuador do mandato

O Goberno municipal de Ames fixo este luns un balance dos dous primeiros anos...

Rueda evitar criticar as festas de Santiago pero aclara: “Outros, se o fan peor, que melloren”,

O presidente da Xunta, Alfonso Rueda, evitou criticar as festas de Santiago despois de...

A Revista Galega de Educación aborda os desafíos da dixitalización nas aulas no seu novo número

A Revista Galega de Educación (RGE), editada polo Movemento de Renovación Pedagóxica Nova Escola...

As obras de prolongación da autovía Santiago-A Estrada afectarán ao tráfico na AC-241, en Teo, desde o vindeiro martes

O avance nas obras de prolongación da autovía Santiago-A Estrada (AG-59) fará necesaria a...

A USC está entre as oito universidades “punta de lanza” do Sistema Universitario Español

O O-Ranking elaborado pola Fundación BBVA e o IVIE sitúa á Universidade de Santiago...