A alcaldesa de Santiago, Goretti Sanmartín, celebrou o acordo entre a Xunta e as tres universidades galegas con respecto ao grao de Medicina, e apuntou que “canto máis forte sexa o sistema universitario é mellor para a docencia”. Sanmartín foi preguntada polos medios de comunicación en rolda de prensa tras o consenso alcanzado este xoves entre as institucións, polo cal se realizará unha descentralización do grao.
Neste contexto, a mandataria municipal destacou que esta é unha “moi boa noticia” e é “o camiño polo que había que transitar”. “Creo que as tres universidades deben partir da base de que temos un sistema universitario galego e que canto máis forte e sólido sexa é mellor para a docencia, para a investigación e para o conxunto do país”, reflexionou.
