O persoal investigador do Instituto de Psicoloxía da USC e do IDIS, avanzaron na procura de biomarcadores en plasma sanguíneo para aumentar no coñecemento do risco de padecer a enfermidade de Alzheimer.
O principal obxectivo do seu estudo foi contribuír á caracterización clínico-biolóxica das etapas iniciais da deterioración cognitiva, mediante a medición de biomarcadores sanguíneos e neuroestructuras da enfermidade en grupos de persoas clasificadas segundo a súa fenotipo clínico cognitivo.
Así, do seis biomarcadores de proteínas alteradas analizados, o p-tau217 e o p-tau181 mostraron unha elevada capacidade de asociación, e confirmáronse como “os mellores candidatos para dispor en breve de biomarcadores en plasma, capacdes de identificar o risco de padecer esta enfermidade nun período que pode chegar aos 10 ou 15 anos antes de que se desenvolva”, segundo explicou o profesor Arturo X.Pereiro.
O traballo realizouse con participantes de Galicia do estudo longitudinal Compostela Aging Study (CompAs), que xa analizou tres cohortes con seguimentos de entre 5 e 7 anos cada unha. Este sería o primeiro estudo en España con marcadores deste tipo en maiores en eteapas presintomáticas da enfermidade, é dicir, cando aínda non se cumpren os criterios diagnósticos dunha demencia.
O grupo de investigación, liderado por Pereiro, Montse Zurrón, Fernando Díaz e Cristina Lojo (do grupo de investigación en Neurociencia Cognitiva e Psicogerontología do Instituto de Psicoloxía da USC) conta tamén coa colaboración doutros científicis da USC, do CiMUS e do IDIS.
