A Xunta, a través do Servizo Galego de Saúde, avanza nas obras de mellora da área de espera do hospital de día de oncohematoloxía do Hospital Clínico Universitario de Santiago de Compostela, que alcanzan xa o 80 % de execución, tal e como detallou o Goberno galego nunha nota de prensa.
Ademais, debullou que o obxectivo desta actuación, que supón un investimento autonómico de máis de 700.000 euros, é a humanización deste espazo. Unicamente quedan pendentes os últimos traballos de carpintaría e de instalacións, polo que sinalou que a previsión é finalizalos no próximo mes de outubro. En concreto, a actuación consiste no acondicionamento da terraza do hospital santiagués, cuxa superficie supera os 300 m2 para lograr un espazo “máis humanizado e confortable”.
