Así mesmo, esgrimiu que "se non pode resistir a presión interna, se non é quen de facer valer os seus deberes como alcaldesa (…) debe dimitir".

O concelleiro do Partido Popular de Santiago, José Ramón de la Fuente, criticou este martes os carteis cos que a organización Galiza Nova empapelou diferentes zonas da cidade para mostrar o seu rexeitamento á presenza da princesa Leonor.

Na súa intervención, o concelleiro popular reprochou que “BNG, CIG e Galiza Nova ensuciaron as rúas con carteis ofensivos, mentres a propia alcaldesa, co seu comportamento, ensuciaba a imaxe institucional de Santiago”. “‘Non é a imaxe de Santiago que queremos’, dicía hai pouco a propia alcaldesa. Supoñemos que será a propia alcaldesa e o BNG os que paguen esas multas”, sinalou o popular.

Así, pediu explicacións sobre se “se ordenou xa iniciar os expedientes sancionadores por ensuciar a cidade”, e aproveitou para incidir en que “incumpriron a ordenanza e os autores son perfectamente identificables, porque os carteis levan o seu logo“. Neste contexto, o edil criticou a actitude da alcaldesa Goretti Sanmartín tras a súa decisión de non asistir ao acto institucional de entrega da Medalla de Galicia á princesa de Asturias, celebrado este luns en Compostela.

Así mesmo, esgrimiu que “se non pode resistir a presión interna, se non é quen de facer valer os seus deberes como alcaldesa, se non antepón os intereses da cidade aos do seu partido, debe dimitir“.

Con todo, de la Fuente esixiu responsabilidades tamén ao PSOE e aos concelleiros non adscritos, “que fixeron posible o goberno do BNG en Santiago e, se permiten este deixamento de funcións, son tan responsables coma ela de que Santiago non estea a ser representada coa dignidade e o respecto institucional que merece”.