O delegado do Goberno en Galicia, Pedro Blanco, presentou en Pontedeume (A Coruña) a campaña ‘Non Camiñas Soa’, que suma máis de 1.700 puntos de atención contra a violencia machista no Camiño de Santiago. O obxectivo, expuxo, é reforzar a protección das mulleres que fan o mesmo e que representan xa o 53% dos peregrinos, moitas veces camiñando en solitario.
Haberá, no marco desta iniciativa, 34.700 carteis e cartóns con información de emerxencias e dos recursos das Forzas e Corpos de Seguridade aos que poden acudir ao longo do Camiño, así como da aplicación AlertCorps. O material, redactado en galego, castelán e inglés, está accesible en diversos puntos como albergues, farmacias, centros sanitarios ou postos das Forzas de Seguridade.
Xunto ao alcalde de Pontedeume, Bernardo Fernández, e outras autoridades, nun dos tramos do Camiño Inglés, o delegado do Goberno incidiu, sobre esta iniciativa posta en marcha en 2021, que ano tras ano crece a presenza de mulleres e que o obxectivo é ofrecerlles os recursos suficientes nas distintas rutas.
