InicioPOLÍTICAO Goberno local aproba a rehabilitación do Centro Sociocultural de Vite e...

O Goberno local aproba a rehabilitación do Centro Sociocultural de Vite e o plan para construír o novo IDIS

A Xunta de Goberno tamén deu luz verde ao Plan Director de San Martiño Pinario e a tres licenzas de obra maior na cidade

Publicado o

Xornal de Compostela

A Xunta de Goberno Local do Concello de Santiago aprobou este luns varios asuntos destacados no ámbito urbanístico e de equipamentos municipais. A concelleira Míriam Louzao e o concelleiro de Urbanismo, Iago Lestegás, detallaron os acordos nunha comparecencia conxunta.

Un dos puntos máis salientables é a rehabilitación das fachadas e mellora da evacuación do Centro Sociocultural ‘Xosé Saramago’, no barrio de Vite, afectado por filtracións, condensación e deterioro dos materiais exteriores. A intervención inclúe a instalación dun novo sistema de illamento térmico e unha saída de emerxencia que permitirá utilizar todo o aforo do salón de actos, que conta con 180 metros cadrados e capacidade para 360 persoas. O orzamento da actuación ascende a 303.807 euros e o prazo previsto de execución será de 60 días hábiles.

No relativo ao uso das instalacións deportivas municipais, a Xunta de Goberno deu luz verde á convocatoria para a asignación de espazos da tempada 2025-2026, que poderá ser solicitada por entidades rexistradas no municipio, federacións e deportistas con licenza. Os criterios de adxudicación priorizarán actividades para persoas con discapacidade, deporte federado e escolar, e por último actividades recreativas.

Pola súa banda, o concelleiro Iago Lestegás informou da concesión de tres novas licenzas de obra maior: a construción dun edificio de catro vivendas e un local comercial en Pontepedriña, e dúas actuacións de mellora da envolvente e eficiencia enerxética nas rúas San Xoán e Rosalía de Castro.

Outro punto clave foi a aprobación do Plan Director do Conxunto Monástico de San Martiño Pinario, promovido polo Arcebispado de Santiago. O documento contempla intervencións para recuperar espazos orixinais, mellorar a accesibilidade e renovar instalacións, cun orzamento total previsto de máis de 15 millóns de euros a executar a medio e longo prazo. Entre as actuacións salientables atópase a retirada dun depósito de auga construído nos anos 40 e a recuperación dos corredores do claustro das oficinas.

Ademais, o Goberno local aprobou provisionalmente o Plan Especial de Infraestruturas e Dotacións na Choupana, onde se situará o novo edificio do Instituto de Investigación Sanitaria de Santiago (IDIS). Este plan afecta unha parcela de 5.217 metros cadrados, propiedade maioritaria da Compañía de Xesús, e prevé a construción dun edificio en tres volumes con cubertas vexetais integradas na paisaxe. O investimento estimado é de 5,8 millóns de euros, asumidos pola Fundación Pública Galega IDIS. A localización, entre o CHUS e o futuro campus da saúde da USC, facilitará a integración das instalacións que agora están dispersas.

O plan será enviado agora á Dirección Xeral de Urbanismo da Xunta para a súa avaliación antes da aprobación definitiva, que corresponderá ao Pleno.

ÚLTIMAS

A UCO investiga a un empresario de Santiago

Un empresario está a ser investigado en Santiago de Compostela no marco dunha operación...

O reitor da USC asegura que a redución do número mínimo de alumnos para grao e máster “está sobre a mesa”

A Universidade de Santiago de Compostela (USC) continúa en conversacións coa Xunta para abordar a continuidade do Máster...

Yossou N’Dour, primeira confirmación para os concertos do Apóstolo de 2025

O músico Yossou N'Dour actuará o 22 de xullo na Praza da Quintana, en...

Recibidas 7 alegacións á taxa turística, que volverá a pleno en xullo para a súa aprobación final

O Concello de Santiago recibiu un total de sete alegacións á ordenanza da taxa turística, que agora...

O Concello xa estuda as alternativas para proceder ao pago das facturas derivados do gasto do bus urbano

Os servizos técnicos do Concello de Santiago xa avalían todas as opcións posibles para...

O PP denuncia actos de vandalismo na súa sede e reclama ao BNG que condene os feitos

O Partido Popular de Santiago de Compostela denunciou hoxe publicamente os actos de vandalismo...

O BNG defende un parque público de vivenda baseado no alugueiro como resposta á crise habitacional

O Bloque Nacionalista Galego presentará este martes en Santiago de Compostela as súas propostas...

LEAVE A REPLY

Please enter your comment!
Please enter your name here