O delegado do Goberno en Galicia, Pedro Blanco, defendeu que os socialistas de Santiago de Compostela contan cun “banco con gran capacidade” para elixir, de cara ás próximas eleccións municipais, o que será o seu candidato ou candidata para a Alcaldía desta cidade.

A preguntas dos xornalistas se el pode ser a persoa que lidere a candidatura, tras a elección da nova executiva socialista nesta cidade e da que el forma parte, afirmou que el aínda ten dous anos “para traballar na Delegación do Goberno”. “Esa é a miña preocupación inmediata”, indicou para destacar, mentres, sobre a nova executiva socialista en Santiago de Compostela, a súa “capacidade de traballo” para situala “onde lle corresponde” cun “proxecto de cidade e de capitalidade”.

“Cando goberna o PSdeG, Santiago prospera“, sentenciou tamén para engadir que “agora toca remaganarse, traballar por Santiago e captar esa ilusión que lle falta”, engadiu, á cidade.