A sección sexta da Audiencia Provincial da Coruña, con sede en Santiago de Compostela, decretou a absolución dun acusado dun delito continuado de corrupción de menores por que o acusado prestou declaración fóra do prazo legal de instrución. O home enfrontábase a seis anos e nove meses de prisión.
O tribunal explica na sentenza que non efectuou unha declaración de feitos probados porque non existiu “unha acusación válida”. No fallo, indica que absolveron o sospeitoso porque “a súa declaración en fase de instrución é nula, ao acordarse e practicado fóra do prazo establecido no artigo 324 da Lei de Enxuizamento Criminal”.
Uns feitos que, para o tribunal, tiñan que motivar o sobresemento das actuacións, ao non poderse finalizar a instrución.
Os maxistrados inciden en que a declaración do investigado realizouse fóra do prazo previsto, xa que o prazo máximo ordinario de instrución expirara.
A Sala, por tanto, declarou nulo “todo o actuado, tanto o auto de procedemento abreviado como o de apertura de xuízo oral”. A sentenza non é firme, pois cabe presentar recurso ante o Tribunal Superior de Xustiza de Galicia.
