InicioMOV. SOCIAISO Concello lanza unha nova convocatoria de bonotaxis para mellorar a mobilidade...

O Concello lanza unha nova convocatoria de bonotaxis para mellorar a mobilidade de maiores e persoas con discapacidade

As axudas, que oscilarán entre 150 e 350 euros, estarán dispoñibles para os residentes empadroados en Santiago que se atopen en situacións específicas de mobilidade

Publicado o

Xornal de Compostela

O Concello de Santiago anunciou unha nova convocatoria de bonotaxis para mellorar a mobilidade das persoas maiores e con discapacidade. A iniciativa, que terá un orzamento de 15.000 euros, ofrece axudas que oscilarán entre os 150 e 350 euros por persoa, dependendo da súa renda. A convocatoria será publicada en breve no Boletín Oficial da Provincia (BOP), e as persoas interesadas poderán solicitala nas próximas semanas.

A concelleira de Dereitos e Servizos Sociais, María Rozas, subliñou que o obxectivo desta axuda é “evitar ou compensar as desvantaxes das persoas con discapacidade ou maiores, especialmente aquelas que residen no rural, para que poidan participar plenamente na comunidade e acceder aos mesmos lugares, bens e servizos que están dispoñibles para os veciños”.

As persoas que poderán beneficiarse deste programa son aquelas que residan en Santiago e que se atopen en calquera dos seguintes supostos: ter unha discapacidade que dificulte gravemente a súa mobilidade, imposibilitándolles utilizar o transporte colectivo; sufrir discapacidade visual con limitacións na actividade superior ao 75%; estar sometidas a tratamentos médicos xornais en hospitais da cidade e ter dificultades para conducir ou utilizar o transporte público; ter unha discapacidade e residir no rural; ou, no caso dos veciños do rural, non poder conducir por motivos médicos acreditados mediante informe.

A concelleira Rozas tamén destacou que a iniciativa se dirixe a facilitar a mobilidade de colectivos especialmente vulnerables, garantindo que poidan acceder aos mesmos servizos e oportunidades que os demais cidadáns, independentemente das súas limitacións de mobilidade.

ÚLTIMAS

A estación intermodal de Santiago inaugúrase oficialmente co nome de Daniel Castelao

A cidade de Santiago de Compostela celebrou este martes a inauguración oficial da súa...

Reproches da Xunta ao Goberno Central na apertura da estación Intermodal

O conselleiro de Presidencia, Deporte e Xustiza, Diego Calvo, reprochou ao Goberno central "falta...

O decano de Matemáticas da USC reclama ao conselleiro de Educación unha reunión “urxente” sobre o máster

O decano da Facultade de Matemáticas da Universidade de Santiago de Compostela (USC), Alberto...

Un camión de mercadorías perigosas sofre un incendio na AP-9 ao seu paso por Teo

Os bombeiros do parque provincial de Boiro actuaron nun incendio nun camión de mercadorías...

A USC recorre a decisión da Xunta de non impartir o Máster de Matemáticas o curso que vén

A Universidade de Santiago de Compostela (USC) recorreu ante a Secretaría Xeral de Universidades...

Estudantes lamentan a “morte das matemáticas en Galicia” tras a desaparición do máster da USC

O Consello do Estudantado da Universidade de Santiago de Compostela (USC) lamentou a "morte das...

Mulleres mobilízanse en Compostela para denunciar o xenocidio do pobo palestino

Un grupo de mulleres de Compostela convocou unha mobilización para este xoves 26 de...