InicioSANTIAGOBRIÓNBrión acomete melloras viarias e crea un espazo de aparcamento provisional na...

Brión acomete melloras viarias e crea un espazo de aparcamento provisional na aldea da Torre

A actuación inclúe o asfaltado de viarios, unha cuneta de seguridade e medidas para facilitar a visita ás Torres de Altamira

Publicado o

Xornal de Compostela

O Concello de Brión está a executar unha obra de mellora integral na aldea da Torre, cun investimento municipal de máis de 21.000 euros. Os traballos, que xa se atopan na súa primeira fase, inclúen tanto actuacións sobre os viarios locais como a habilitación dun espazo de aparcamento provisional para persoas visitantes das Torres de Altamira, un dos elementos patrimoniais máis destacados do municipio.

Segundo explicou o concelleiro de Obras, José Antonio Vidal, a intervención comezou coa construción dunha cuneta de seguridade de 115 metros de longo, dotada tamén dunha canalización para a recollida de augas pluviais. Esta infraestrutura será utilizada como zona de estacionamento alternativa, situada á entrada do conxunto histórico das Torres.

O proxecto contempla tamén o bacheado e asfaltado dos distintos camiños da aldea, actuando sobre unha superficie total de 1.560 metros cadrados. A intervención inclúe un tratamento asfáltico superficial e rego de selado, co obxectivo de mellorar a capa de rodaxe dos viarios.

A maiores, está prevista a ampliación do viario principal de acceso á aldea, dividido en dous tramos. No primeiro, xa rematado, construíuse a cuneta. No segundo, de 135 metros, realizaranse traballos de ampliación das marxes ata acadar un ancho mínimo de 4 metros, co fin de incrementar a seguridade viaria da veciñanza.

Durante unha visita ás obras, o alcalde de Brión, Pablo Lago, destacou que esta intervención forma parte dunha estratexia municipal máis ampla: “Neste momento temos en marcha máis dunha ducia de actuacións en distintas parroquias, co obxectivo de mellorar o día a día do maior número de veciños posible”.

En relación co acceso ás Torres de Altamira, o rexedor explicou que a nova cuneta funcionará como solución temporal para o estacionamento turístico, mentres se agarda por unha proposta definitiva da Deputación da Coruña, entidade propietaria do enclave patrimonial.

A intervención responde, por tanto, tanto ás necesidades da veciñanza da Torre como á dinámica turística do municipio, garantindo seguridade, accesibilidade e comodidade nun dos puntos máis visitados de Brión.

ÚLTIMAS

O Concello de Santiago adapta o proxecto de reurbanización de Castrón Douro para recuperar a rasante orixinal da rúa

A Xunta de Goberno Local de Santiago aprobou a adxudicación do contrato para redactar...

Xulgado un home por estafar a un veciño de Santiago na venda dunha autocaravana

A sección sexta da Audiencia Provincial da Coruña celebrará o vindeiro xoves 17 de...

O PSdeG denuncia o “estado lamentable” do río Sar á altura da Ponte do Sar

A concelleira socialista Marta Abal denunciou este domingo o “estado lamentable” do tramo do...

Raxoi prepara unha nova solicitude tras recibir o seu recurso para declarar a cidade zona tensionada o ‘non’ da Xunta

A Consellería de Vivenda e Planificación de Infraestruturas desestimou o recurso presentado polo Concello de Santiago para ser...

Morre un home de 64 anos nun accidente múltiple dun vehículo con dous camións en Brión

Un home de 64 anos, AFP, faleceu no accidente múltiple ocorrido esta mañá en...

Un accidente con dous camións e un coche deixa tres feridos en Brión

Unha colisión múltiple rexistrada na mañá deste xoves no concello de Brión provocou tres...

(FOTOS) Paraugas, polbo e devoción: así se viviu en Brión a xornada central da Romaría de Santa Minia

A parroquia de Brión viviu este sábado o Día Grande da Romaría de Santa...

LEAVE A REPLY

Please enter your comment!
Please enter your name here