Os veciños do barrio compostelán de Santa Marta fixeron entrega este venres dun total de 5.612 firmas ao delegado do Goberno, Pedro Branco, para reclamar máis seguridade na zona.
Diso informou a Delegación do Goberno nun comunicado, no que informou de que Pedro Branco mantivo este venres unha reunión con representantes da Plataforma Veciñal ‘Santa Marta Segura’, encabezados polo seu presidente José Manuel López, para escoitar as inquietudes que este grupo de recente creación ten sobre este barrio, en particular as relacionadas coa seguridade cidadá.
No encontro no que tamén participou a subdelegada do Goberno na Coruña, María Rivas, Pedro Branco reiterou tanto ao presidente da Plataforma o compromiso da Policía Nacional de Santiago con protección das persoas e bens da capital de Galicia, e trasladoulles unha mensaxe de confianza na profesionalidade e no servizo dos profesionais desta Comisaría.
A reunión serviu tamén para reforzar a comunicación entre os veciños e as autoridades, de face a seguir mantendo unha colaboración permanente ante as preocupacións deste colectivo. O presidente da Plataforma entregoulles ao delegado unha copia das 5.612 firmas que conseguiu esta agrupación en 20 días e que manifestan o seu apoio ás reivindicacións da plataforma.
