InicioCULTURAO Salón Teatro acolle a estrea de 'Fábrica de fume', unha obra...

O Salón Teatro acolle a estrea de ‘Fábrica de fume’, unha obra sobre Sargadelos

O espectáculo de teatro comunitario contará con tres funcións gratuítas os domingos 16, 23 e 30 de marzo

Publicado o

Xornal de Compostela

O Salón Teatro de Santiago de Compostela será o escenario da estrea de ‘Fábrica de fume’, unha proposta de teatro comunitario que explora a relación entre arte e industria a través da historia da fábrica de cerámicas de Sargadelos. A primeira función terá lugar o domingo 16 de marzo ás 12:00 horas, con entrada gratuíta ata completar aforo. O espectáculo repetirase os días 23 e 30 de marzo no mesmo horario.

As creadoras da obra, Celina Fernández Ponche e Ana Fontenla, asinan tanto o guión como a dirección de escena. A peza xorde no marco do proxecto internacional Phone, dedicado ao teatro en linguas minoritarias, e chega agora a Compostela co apoio do Centro Dramático Galego (CDG), financiado pola Consellería de Cultura, Lingua e Xuventude e en colaboración coa Federación Galega de Teatro Afeccionado (Fegatea).

A obra conta coa participación de 18 actores e actrices de diferentes compañías de teatro afeccionado vinculadas a Fegatea. No elenco atópanse Neves Pérez, Juanín Ares, Chus Devesa, Antonio V. Turnes, Pablo Fernández, Lola Roel, Valentín Entrialgo, Edita Álvarez, Guadalupe López, Carmen Lois, Sara Neto, María José Lagoa, Quico Ramilo, Manuel Llilla, Lucía González, María José González, Reyes López e Ana Rosa Pavón.

O vestiario e a caracterización están a cargo do alumnado dos centros de formación Paseo das Pontes (A Coruña) e A Pinguela (Monforte de Lemos), baixo a dirección de Ana Calviño, Rosa Mar Díaz e Luz Freire. O deseño de iluminación foi elaborado por As Dúas e Punto.

UNHA OBRA QUE CONECTA ARTE E CIDADANÍA

No acto de presentación do espectáculo, no que participaron o director xeral de Cultura, Anxo M. Lorenzo, o director da Axencia Galega das Industrias Culturais, Jacobo Sutil, e o director do CDG, Fran Núñez, as autoras destacaron que o proxecto nace tras dous anos de investigación sobre a historia de Sargadelos, combinando traballo artístico e de campo. Segundo explicaron, a súa intención é entender a arte desde o diálogo coa cultura e a sociedade, un principio que guía a súa creación escénica.

As funcións terán lugar no Salón Teatro, sede do Centro Dramático Galego, os domingos 16, 23 e 30 de marzo ás 12:00 horas. A entrada será de balde, con retirada de localidades no portal número 34 da Rúa Nova, que abrirá unha hora antes de cada función.

ÚLTIMAS

Accidente na AP-9 en Santiago por bombonas no medio da estrada

Sobre as 08.30 horas desta xoves, un camión que transportaba bombonas de butano e...

O aeroporto de Santiago reduce en abril case un 17% o número de pasaxeiros

O aeroporto de Santiago de Compostela contabilizou un total de 284.639 pasaxeiros durante o...

O arcebispo de Santiago propón ao novo papa visitar Compostela como peregrino

O arcebispo de Santiago, Francisco José Prieto, avanzou que formulará unha invitación oficial ao...

Queremos Galego organiza unha “gran foliada pola lingua” este sábado en Santiago de Compostela

O colectivo Queremos Galego organizará este sábado, 17 de maio, unha gran foliada pola...

O Festival Flamenco Riquela celebra a súa segunda edición en Santiago de Compostela

O Festival Flamenco Riquela regresa a Santiago para celebrar a súa segunda edición do 29...

Compostela prepárase para as Festas da Ascensión coa presentación do cartel deste ano

A concelleira de Festas de Santiago de Compostela, Pilar Lueiro, presentou este luns o...

Pint of Science 2025: Compostela acolle 12 charlas científicas nos bares da cidade

Santiago de Compostela será un dos escenarios principais do festival de divulgación científica Pint...