A Audiencia da Coruña, na súa sede en Santiago, acollerá a próxima semana o xuízo, a porta pechada, contra un home para o que piden 15 anos de prisión por un delito de agresión sexual con penetración. Os feitos producíronse o 10 de novembro de 2023 no domicilio da vítima en Santiago e o acusado deberá indemnizar á vítima na cantidade de 60.000 euros.
O Ministerio Fiscal pide a súa inhabilitación para calquera profesión, oficio ou actividades, sexan retribuídos ou non, que leve contacto regular e directo con persoas menores de idade durante 25 anos, a prohibición de achegarse á vítima e de prohibición de comunicarse con ela.
