Renfe modifica, de forma puntual, este fin de semana o servizo nalgúns trens de Longa e Media Distancia polos traballos de Adif en Santiago para renovar a electrificación da estación.
Ante isto, Renfe, segundo explicou nun comunicado, garantirá a mobilidade dos viaxeiros cun plan alternativo de transporte, con traslados por estrada para algúns trens e a modificación puntual dalgúns servizos de longa e media distancia.
O corte de tensión, que se producirá por eses traballos, incompatible coa circulación de trens eléctricos, levará a cabo con modificacións nos últimos servizos ferroviarios do día 22 e os primeiros da mañá do día 23 xa que afectará á circulación dos trens por Santiago e os traxectos colaterais.
Nos servizos de Longa Distancia, os dous últimos trens do sábado 22 de febreiro realizarán transbordos a material híbrido para continuar a viaxe. Ademais, realizarán transbordos novamente en Ourense durante a mañá do domingo 23 de febreiro.
En concreto, o sábado realizarán transbordo en Ourense o Avlo Madrid Chamartín (17:08 horas)- Vigo Urzaiz (21:37 horas) e o Alvia Barcelona (9:05 horas)- A Coruña (22:24 horas).
O domingo, seraos os trens Avlo Vigo Urzaiz (5:59h)- Madrid Chamartín (10:34 horas) e o Alvia A Coruña (8:12 horas)- Barcelona (21:35 horas).
Pola súa banda, os servizos de Media Distancia e Avant, que se transbordarán por estrada serán, o día 23: MD A Coruña (6:35 horas)- Ferrol (7:53 horas) en todo o seu percorrido; MD Ferrol (8:40 horas)- A Coruña (9:56 horas) en todo o seu percorrido; MD A Coruña (7:05 horas)- Ourense (10:49 horas) entre A Coruña e Rábade; MD Monforte (7:30 horas)- A Coruña (10:13 horas) entre Rábade e A Coruña; Avant Ourense (7:50 horas)- A Coruña (10:05 horas), con parada en Santiago de Compostela ás 9:03 horas.
