Os luns ao sol amósanos de maneira realista e conmovedora as loitas diarias, a desmoralización e a desesperanza coas que batemos ao tentar atopar traballo nun mercado laboral competitivo e en constante cambio. Fai visible a maneira na que a falta de oportunidades e a presión social afectan ás relacións persoais, á autoestima e á esperanza nun futuro mellor. Os luns ao sol é unha poderosa reflexión sobre como as circunstancias económicas poden moldear a identidade e as relacións humanas. Formula preguntas sobre a xustiza social e o sistema laboral contemporáneo, convidándonos a reflexionar sobre as desigualdades na nosa sociedade.
Esta obra de teatro é unha adaptación teatral do filme gañador do Goya á mellor película, Los lunes al sol (2002). A sinopse da película que podemos atopar en Filmaffinity é a seguinte: nunha cidade costeira do norte de España, á que o desenvolvemento industrial fixo crecer sen medida, Santa (interpretado por Javier Bardem) e outros afectados pola reconversión recorren cada día as rúas, buscando saídas á súa situación precaria. (…) Viven na corda froxa do traballo precario e sobreviven grazas ás pequenas alegrías e rutinas.
As entradas terán desconto para os seguintes grupos: persoas desempregadas, perceptoras de rendas sociais, xubiladas, maiores de 65 anos, estudantes, menores de 25 anos e membros de familias monoparentais ou numerosas.
Sábado 15 de febreriro ás 20.30 horas no Auditorio de Galicia.
