O SD Compostela iniciou o 2025 cun empate heroico fronte ao Numancia no Estadio Verónica Boquete. O partido, que parecía perdido nos minutos finais cun 0-2 en contra, concluíu cun resultado final de 2-2, grazas ao esforzo e determinación dos xogadores branquiazuis.
RESISTENCIA E REMOTADA FINAL
Durante boa parte do partido, o Numancia levou a iniciativa, xerando perigo na portería compostelá. O gardameta Rabanillo, nunha actuación destacada, evitou en varias ocasións que os visitantes ampliaran a súa vantaxe. Pola súa banda, o Compos mostrou unha mellor cara tras o descanso, pero foi o equipo visitante quen logrou adiantarse no marcador.
A dez minutos do final, Alain Ribeiro marcou o primeiro gol para o Numancia tras culminar un contragolpe. Pouco despois, Dieste ampliou a vantaxe para os visitantes cun segundo tanto que parecía sentenciar o encontro.
Non obstante, o Compostela non se rendeu e buscou a épica. No minuto 89, Pablo Crespo recurtou distancias cun remate preciso tras unha xogada de Hugo Matos. Xa no desconto, e nunha das últimas xogadas do partido, un balón colgado á área permitiu que Santi de Prado peinase o esférico, deixando a Ocaña en boa posición para empatar co seu disparo. O 2-2 desatou a euforia na bancada.
