O Monbus Obradoiro, en colaboración con Indupanel e Obra Social Pediatría, organiza unha choiva de peluches solidaria co obxectivo de garantir que todos os nenos e nenas de Santiago poidan vivir a maxia do Día de Reis. Esta iniciativa terá lugar durante o partido do 29 de decembro contra o Club Ourense Baloncesto no Multiusos Fontes do Sar.
Os asistentes ao partido están convidados a levar peluches en bo estado para lanzalos á pista cando o speaker dea a sinal durante o encontro. Os peluches serán recollidos e entregados á Obra Social Pediatría, que se encargará de distribuílos entre as familias con menos recursos, asegurando que ningún neno quede sen regalo no Día de Reis.
A organización fai un chamamento á solidariedade da afección do Monbus Obradoiro e dos seguidores do Club Ourense Baloncesto para unirse a esta campaña. Os peluches deben estar limpos e en boas condicións, para que cada un poida levar un anaco de ilusión e alegría a un neno que o precise.
Este evento busca converter o Multiusos Fontes do Sar no epicentro da solidariedade e da maxia navideña. “Trae o teu peluche e forma parte deste fermoso xesto que encherá de sorrisos os fogares de familias que están a pasar por momentos difíciles”, instan desde o club.
A choiva de peluches será unha ocasión única para unir deporte, comunidade e Nadal, facendo que Santiago se transforme nun exemplo de xenerosidade. “Este 29 de decembro, fagamos que chova ilusión na Caldeira!”, anima o club.
