O pasado domingo 15 presentouse na Capitol o cuarto albume da banda Ailá, Tradimensional, un proxecto que conta con 10 pezas musicais. O grupo está formado por Manuele Pardo, Manuela Franguela, Xan Pampín e Angelita Carou quen van revisitando a cultura galega a través das súas cancións, inspiradas sempre nas recollidas e na tradición popular.
O cantante Manuele describe Tradimensional como un disco que “recolle un pasado, que vive nun presente e que constrúe un futuro“, para isto decidiron contar con numerosas asociacións culturais, entre elas algunhas como Cantigas e Agarimos, Cántigas e Frores, Ultreia, Ferreñas Bravas, etc. Ademais, contaron con numerosos artistas que axudaron a construír estas pezas como son Icía Kirk, Andrés Pérez, Nikolay Velikov e Daniel do Pando entre outros.
Ao longo da entrevista coméntanos como foi o proceso de creación, o papel que teñen as asociacións na transmisión e incluso falamos do último fenómeno musical popular en redes: Ca7riel e Paco Amoroso co seu Tiny Desk.
