InicioCULTURACaamaño&Ameixeiras e Rodrigo Cuevas lanzan 'Catro cousas', un pasodobre con mensaxe de...

Caamaño&Ameixeiras e Rodrigo Cuevas lanzan ‘Catro cousas’, un pasodobre con mensaxe de empoderamento

O tema, gravado en directo e acompañado dun videoclip no Parque do Pasatempo, estrearase en directo en Santiago na Sala Capitol

Publicado o

Xornal de Compostela

O dúo galego Caamaño&Ameixeiras presenta, xunto ao artista asturiano Rodrigo Cuevas, o tema ‘Catro cousas’, un pasodobre reinterpretado que combina ironía, empoderamento feminino e música de raíz. A canción destaca pola súa gravación en directo e un coidado videoclip rodado no Parque do Pasatempo de Betanzos, considerado un dos xardíns máis singulares de Europa.

‘Catro cousas’ revisa o linguaxe militar e taurino característico do pasodobre, apropiándose del para crear unha peza que é, á vez, unha canción de amor diferente. “É unha canción de amor cara a dentro, de empoderamento feminino e de autocoidado. De querernos a nós primeiro. De saber dicir ‘catro cousas’ cando fai falta”, explican Caamaño&Ameixeiras.

O tema bebe das fontes da música tradicional, inspirado no legado do cego dos Vilares, Florencio, quen á súa vez o aprendera da cantante La Pastorina a través da radio.

A canción está acompañada dun videoclip gravado no Parque do Pasatempo de Betanzos, dirixido por Jorge Rojas. O dúo describe este espazo como un lugar “mágico e magnético” que contribúe a dotar de significado visual e emocional á canción. Para Sabela Caamaño, a experiencia de rodar neste escenario foi especialmente emotiva: “Foi especial revisitalo dende outra perspectiva, agora cunha mirada diferente”.

Sobre a colaboración con Rodrigo Cuevas, o dúo destaca a conexión e facilidade para traballar con el: “Xa sabiamos que Rodrigo era un artista talentoso, pero descubrimos tamén a súa calidade humana. Foi moi inspirador e fluído desde o primeiro momento”. Cuevas, coa súa forte personalidade artística, conseguiu levar o tema “a outra dimensión”, sinalan.

A gravación realizouse en directo para captar a naturalidade e espontaneidade da interpretación ao vivo, algo que Caamaño&Ameixeiras consideran esencial para o tema.

ESTREA EN DIRECTO NA SALA CAPITOL

O tema será interpretado por primeira vez en directo nos concertos de Rodrigo Cuevas, programados para os días 19 e 20 de decembro na Sala Capitol de Santiago de Compostela, que xa esgotou as entradas para ambas as datas.

Esta colaboración reafirma a aposta de ambos os proxectos artísticos por renovar a música de raíz con perspectivas actuais e unha conexión emocional coa tradición.

ÚLTIMAS

O Concello de Santiago insiste en que a Xunta debe aprobar “canto antes” a declaración de zona tensionada

O Concello de Santiago urxe á Xunta de Galicia a emitir unha resposta "canto...

Vandalizan un cartel de apoio ao colectivo LGTBIQ+ en Ames e escriben ‘sida’ por encima del

Un cartel cunha mensaxe en apoio ao colectivo LGTBIQ+, situado no inicio do termo...

O arranxo da pista do Aeroporto de Santiago foi adxudicado por máis de 26 millóns de euros

O Consello de Administración de Aena aprobou a adxudicación por 26.613.000 da obra que...

Volve o ‘Feito a Man’ a Compostela con máis de 30 concertos entre 14 espazos urbanos

O festival 'Feito a Man' regresa ás rúas de Santiago de Compostela entre o...

O festival ‘Feito a Man’ celebra 22 anos de cultura nas rúas de Compostela con máis de 40 propostas musicais e escénicas

O mes de agosto volverá encherse de vida e cultura na zona vella de...

O festival Holanola Lab Fest traerá o espírito de Nova Orleans a Santiago do 16 ao 21 de setembro

A cidade de Santiago de Compostela converterase de novo nun epicentro do jazz e...

O Festival C enche Compostela de actividades culturais durante todo agosto

As rúas, parques e prazas de Santiago converteranse, do 4 ao 28 de agosto,...

LEAVE A REPLY

Please enter your comment!
Please enter your name here