Un mozo de 25 anos foi detido na madrugada deste mércores por unha suposta agresión á súa parella, unha moza que tamén rolda a vintena, en Santiago.

Segundo informan fontes próximas ao caso, o aviso dun posible caso de Viogen recibiuse ao redor das 6.00 horas deste mércores. A suposta agresión produciuse na vía pública, ás portas dun bar compostelán.

O mozo foi detido pola Policía Nacional e así continúa, sen previsión aínda de que pase a disposición xudicial.