Aínda que o Halloween é popular hoxe en día, esta festividade ten en realidade unha orixe celta e foi coñecida durante séculos como o Samaín. Celebrado dende hai máis de dous mil anos, este evento representaba o comezo do Ano Novo celta. A noite do Samaín marcaba o fin da época das colleitas e o inicio da “etapa escura” do ano, que duraría ata o “Beltaine” (a noite do 30 de abril), cando comezaba a “etapa clara”.
Durante o Samaín, considerábase que o límite entre o mundo terrenal e o máis alá era especialmente tenue, permitindo o contacto cos espíritos. Para evitar atraer espíritos maliciosos, a xente se disfrazaba e acendía fogueiras, ademais de colocar ofrendas para afastar o mal e atraer a boa sorte.
O Samaín foi progresivamente absorbido polas tradicións romanas e, máis tarde, polo cristianismo, que o transformou no Día de Todos os Santos. Finalmente, foron os irlandeses quen levaron esta festividade aos Estados Unidos, onde evolucionou ata o Halloween que coñecemos hoxe.
