O corpo non presentaba signos de violencia

Os servizos de emerxencias localizaron este martes o cadáver dunha muller duns 40 anos na súa vivenda de Santiago. O corpo non presentaba signos de violencia. Foron os veciños da muller os que deron a voz de alarma e os servizos de emerxencias presentáronse na vivenda, na Rúa Home Santo, na mañá deste martes. O equipo médico certificou a morte, que aparentemente puido ser por causas naturais. En todo caso, será a autopsia a que determine as circunstancias do falecemento.