A alcaldesa de Santiago, Goretti Sanmartín, asegurou que, a falta de solucionar “varios detalles técnicos”, “todo está encamiñado” para a comarcalización do parque de bombeiros, pero non pon data para o inicio do servizo.
Así o explicou este venres tras reunirse cos alcaldes e alcaldesas dos municipios implicados no proxecto na que trasladaron o estado do procedemento.
Desta forma, segundo detallou a rexedora, na xunta trataron a “necesidade de tramitar de forma conxunta” o convenio para que este servizo poida formarse “en breve”, así como a creación desa nova infraestrutura, que se situará na avenida do Cruceiro da Coruña.
Sobre a localización, Goretti apuntou que “todos os alcaldes” participantes na reunión pareceulle a mellor das propostas xa que é “substancialmente moito máis vantaxosa”, sobre todo, para os tempos de resposta ante calquera emerxencia.
“Tamén nos trasladaron que o conxunto de alcaldes querían que o parque comarcal comezase a funcionar canto antes. No momento no que teñamos todos eses detalles técnicos solucionados, poremos o servizo en funcionamento sen esperar a ter a infraestrutura”, explicou.
Consultada sobre os prazos para o inicio da actividade do parque comarcal, a rexedora compostelá esgrimiu que “é sempre moi difícil falar de prazos” ao ter en conta que son tres administracións –Xunta, Concello e Deputación da Coruña– “as que se teñen que pór de acordo”.
Con todo, espera que “deica pouco tempo” poidan dar “algunha idea ou resposta” sobre os prazos. Ademais, o concello convocará “de maneira inmediata” ao resto de administracións cando reciban a probación, a nivel técnico, da proposta.
“Houbo reunións da persoa técnico xurídico do tres administracións onde analizaron cales son eses detalles que se deben puír”, asegurou.
