O Museo do Pobo Galego acollerá hoxe e mañá o Congreso ‘Galicia é ESS’, organizado por REAS Galicia para promover e recoñecer a importancia da Economía Social e Solidaria (ESS). Este encontro reunirá a entidades, movementos sociais e persoas interesadas en coñecer e debater sobre este modelo económico que aposta pola equidade, o traballo digno e a sustentabilidade.
O congreso ofrecerá un espazo para a intercooperación, con actividades como mesas de debate e networking, co obxectivo de reflexionar sobre o presente e futuro da ESS en Galicia. Está dirixido a colectivos sociais, estudantado e entidades de economía social, buscando fomentar a transformación económica centrada nas persoas e no planeta.
