A cantante galega Sabela traerá o seu novo son a Santiago de Compostela o vindeiro venres, 25 de outubro, cun concerto na sala Riquela Club. A actuación, que comezará ás 21:00 horas, forma parte da súa xira ‘Hi, My Love Part‘, na que está a presentar os primeiros adiantos do seu novo EP, previsto para publicarse a finais de 2024. As entradas están dispoñibles a través das plataformas sabelamusic.es e enterticket.es.
Sabela, natural de Ourol, vén de realizar unha xira por grandes cidades españolas como Madrid, Barcelona e Valencia, e participou en festivais destacados como o SonRías Baixas e o Festival do Pasatempo. Agora, está inmersa nunha serie de concertos por Galicia, que inclúen datas en Lugo, Ourense e A Coruña, entre outras.
No concerto de Santiago, presentará o seu novo sinxelo “Eu Espero Aquí“, unha canción que mantén as súas raíces galegas ao tempo que explora un son máis internacional, seguindo a liña de éxitos previos como “Hi, My Love” e “Ceniza“.
