O Ateneo de Santiago, en colaboración coa Asociación Federalista de Galicia, organiza este xoves 17 de outubro, ás 19:30 horas, un seminario titulado “A construción da Europa xeopolítica nunha nova orde internacional”. O evento terá lugar no Salón de Actos Isaac Díaz Pardo do Ateneo e contará coa participación da profesora Ruth Ferrero-Turrión, experta en Ciencia Política e Estudos Europeos na Universidade Complutense de Madrid. A presentación correrá a cargo de Cristina Ares Castro-Conde, profesora de Política da Unión Europea na USC.
O seminario abordará os retos que afronta Europa na súa configuración xeopolítica actual, nun contexto de novos equilibrios internacionais. Ferrero-Turrión ofrecerá unha análise sobre como a Unión Europea se está adaptando a esta nova orde global, especialmente nas súas relacións con potencias como Estados Unidos, China e Rusia. Este evento será unha oportunidade para debater sobre os desafíos políticos, económicos e sociais que deberá enfrontar Europa no século XXI.
Ruth Ferrero-Turrión é recoñecida pola súa traxectoria académica en temas de migracións e políticas europeas e colabora con medios e think tanks como o Real Instituto Elcano e a Fundación Alternativas.
