O director de Turismo de Galicia, Xosé Merelles, destacou o papel do Camiño de Santiago para fomentar os valores da inclusión e superación, así como a cooperación e integración. Así o fixo este domingo en Santiago no recibimento aos 150 participantes do VIII edición do Camiño dos Valores que culminaron esta experiencia despois de iniciar en Sarria o pasado xoves a última parte do Camiño Francés.
Tamén eloxiou a decisión e o pulo dos mozos e mozas participantes así como dos educadores, técnicos, voluntarios e monitores que os acompañaron para realizar esta experiencia e tomar conciencia de todo o que significa o Camiño e o traballo persoal que se pode realizar durante o seu percorrido.
“Iniciativas como esta fannos avanzar máis que nunca na proxección dos valores da ruta xacobea, á vez que os afianza e revela como ferramenta de autoaxuda para atender situacións difíciles que poden ter saída desde o compromiso e a reflexión individual e social”, subliñou.
